Ağ Evin Oval kabinetində ABŞ və Türkiyə Prezidentləri Donald Tramp və Rəcəb Tayyib Ərdoğan arasında görüş baş tutub.
Yeniavaz.com xəbər verir ki, danışıqlar 2 saat 18 dəqiqə davam edib.
Tramp türkiyəli həmkarını qapıya qədər müşayiət edib.
Bu, iki liderin son altı ildə ilk dəfə Ağ Evdə görüşü olub.
Görüşdən sonra jurnalistlərə açıqlama verən zaman Ərdoğanla üz-üzə təmasların “əla” keçdiyini deyib. 
Amerika lideri Ağ Evdə görüş zamanı türkiyəli həmkarını “sərt” və “son dərəcə özünə əmin” adlandırıb. Tramp belə insanları sevməməsinə baxmayaraq, Ərdoğana rəğbət bəslədiyini vurğulayıb.
Bundan başqa, görüş zamanı Tramp “ölkəyə nəfəs almaq şansı vermək” üçün Ərdoğanın, eləcə də Səudiyyə və Qətər hakimiyyətinin tələbi ilə Suriyaya qarşı sanksiyaları ləğv etdiyini bildirib.