Azərbaycan Dövlət Təhlükəsizliyi Xidməti (DTX) tərəfindən həbs edilən iş adamı Adnan Əhmədzadə ilə bağlı daha bir fakt üzə çıxıb.
KONKRET.az teleqraf-a istinadla xəbər verir ki, iş adamı qanunsuz yollarla əldə etdiyi pullar hesabına Birləşmiş Ərəb Əmirliklərində (BƏƏ) özünə dəbdəbəli və bahalı mənzil alıb.
Söhbət “Baccarat Residences in Downtown Dubai” (və ya “Baccarat Hotel & Residences Dubai”) yaşayış-otel kompleksində 67 milyon dirhəmə (31 milyon manat) alınan mənzildən gedir.
İki qülləli bina otel və yaşayış kompleksindən ibarətdir.
Burada “Baccarat” brendi altında idarə olunan 5 ulduzlu otel yerləşir.
“Residences” hissəsi də, adından məlum olduğu kimi, yaşayış kompleksidir – premium mənzillər və penthauslar.
Bura iki prizmatik (şüşə fasadlı) qüllədən ibarət ultra-lüks rezidensdir, 48 mərtəbədir. “Şeyx Zayed Road” yaxınlığındadır, “Biznes Bay”, DIFC, “Bürc Xəlifə”, “Dubay Moll”, “Dubay Opera” kimi ticarət, biznes və mədəniyyət mərkəzlərinə nəqli baxımdan əlçatandır.
Həmin kompleksdə mənzillərin qiyməti aşağıdakı kimidir:
İki otaqlı mənzil – 18-22 milyon dirhəm
Üç otaqlı mənzil – 27-28 milyon dirhəm
Dörd otaqlı mənzil – 45-47 milyon dirhəm
Beş otaqlı mənzil – 65-76 milyon dirhəm
Belə məlum olur ki, Adnan Əhmədzadə Dubayın mərkəzində beş otaqlı mənzilin sahibi olub.
“Baccarat Residences Downtown Dubai” binasının tamamlanma (təhvil verilmə) tarixi 2026-cı ilin 4-cü rübü olaraq planlaşdırılır.
