“Bakıda daha bir yerüstü metro stansiyasının inşasına başlanılıb”.
Bunu “Bakı Metropoliteni” Qapalı Səhmdar Cəmiyyətinin Tikinti Layihələrinin İdarə olunması Departamentinin rəis müavini Məmməd Rzayev deyib.
O bildirib ki, adıçəkilən yerüstü stansiya metropolitenin “yaşıl xətt”inə xidmət edəcək “Dərnəgül” deposunun daxilində olacaq:
“Dərnəgül” deposunda, həmçinin, yerüstü stansiya nəzərdə tutulub. Stansiyanın şərti adı “Dərnəgül deposu” adlandırılıb. Stansiya 2027-ci ildə istifadəyə veriləcək”.
M.Rzayev bildirib ki, adıçəkilən stansiya 2030-cu ilədək istifadəyə veriləcək 10 yeni stansiyaya aid deyil.
