“Tesla”nın Kaliforniya ştatındakı Frimont zavodunun texniki işçisi sənaye robotunun onu yıxaraq ağır xəsarət almasından sonra 51 milyon dollarlıq iddia qaldırıb.
Yeniavaz.com xəbər verir ki, bu barədə “The Independent” məlumat yayıb.
“O iddia edir ki, idarə olunmayan robot qəflətən onu vurub, nəticədə 50 yaşlı işçi ağır xəsarətlər və astronomik tibbi ödənişlərlə üz-üzə qalıb”, - nəşr qeyd edib.
Şikayətçi Piter Hinterdoblerin dediyinə görə, robot qolu ona əhəmiyyətli qüvvə ilə vurub, onun yerə yıxılmasına və huşunu itirməsinə, həmçinin digər xəsarətlər almasına səbəb olub.