1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiyanın Xalq artisti Oleq Qazmanova qarşı dələduzluqda şübhəli bilinən erməni tanışı, iş adamı Gevork Sarkisyan barəsində həbs qətimkan tədbiri seçilib.
Oxu.Az-ın xəbərinə görə, bu barədə "Readovka" "Telegram" kanalı məlumat yayıb.
Qeyd olunub ki, iş adamı ABŞ-də yaşayır, lakin vaxtaşırı iş üçün Rusiyaya qayıdır. Belə səfərlərin birində o, saxlanılaraq istintaq təcridxanasına göndərilib.
Daha əvvəl sənətçi həyat yoldaşı ilə birlikdə dələduzluq sxeminin qurbanı olması şübhəsi səbəbindən hüquq-mühafizə orqanlarına müraciət etmək məcburiyyətində qalıb.
Xatırladaq ki, Qazmanovlar 2019-cu ildə tanışları Gevork Sarkisyana külli miqdarda borc veriblər və o, guya puldan investisiya kimi istifadə etmək niyyətində olub.
Daha sonra Sarkisyan borcunu və onun faizlərini ödəməkdən imtina edib.
