Zaqatala, 24 sentyabr, AZƏRTAC
Zaqatala şəhərinin Heydər Əliyev prospektində yol-nəqliyyat hadisəsi qeydə alınıb.
AZƏRTAC-ın bölgə müxbiri Zaqatala Rayon Mərkəzi Xəstəxanasına istinadən bildirir ki, Şəki rayon sakini, 23 yaşlı Natiq Əmrahov bədəninin müxtəlif nahiyələrindən xəsarətlər alıb və onu tibbi müəssisəsinə çatdırıblar. Ona təcili tibbi yardım briqadası ilkin tibbi yardım göstərib. Daha sonra xəstəxananın cərrahiyyə korpusuna yerləşdirilib. Həkimlər N.Əmrahovun vəziyyətini orta-ağır qiymətləndirirlər.
İlkin araşdırmalara görə, gənci velospedlə hərəkətdə olan zaman minik avtomobili vurub.
Hadisə ilə əlaqədar Zaqatala rayon Polis Şöbəsində araşdırma aparılır.
