İngiltərə Liqa Kubokunun 3-cü raundunda “Liverpul” “Sauthempton”la üz-üzə gəlib.
90deqiqe.Az-ın məlumatına görə, “Enfild” stadionunda baş tutan görüşdə Mersisayd təmsilçisi rəqibini 2:1 hesabı ilə məğlub edib.
Matçın 43-cü dəqiqəsində Aleksander İsak meydan sahiblərini önə çıxarıb. 76-cı dəqiqədə Şi Çarlz hesabı bərabərləşdirsə də, 85-ci dəqiqədə Uqo Ekitike “Liverpul”un qələbə qolunu vurub. Lakin fransalı hücumçu cəmi bir dəqiqə sonra ikinci sarı vərəqə alaraq meydandan qovulub.
Görüşün baş hakimi Tomas Bramel olub.
Liqa Kubokunun növbəti mərhələsinin püşkü sentyabrın 24-də keçiriləcək.
