ABŞ prezidenti Donald Tramp BMT Baş Assambleyasında 15 dəqiqəlik normaya baxmayaraq demək olar ki, bir saat çıxış edib.
Olaylar xəbər verir ki, çıxışlardan əvvəl Baş Assambleya sədri Annalena Berbok iştirakçılara nitqin 15 dəqiqədən artıq olmamasını xatırladıb.
Təşkilatın saytında da 15 dəqiqəlik şərti limit göstərilib ki, altı gün ərzində 193-dən çox çıxışı effektiv şəkildə planlaşdırmaq mümkün olsun. "Amma bu limit nadir hallarda ciddi şəkildə qorunur", - qeyd olunub.
Çıxışı zamanı Tramp Avropaya Rusiyadan enerji resursları almanı dayandırmağı tövsiyə edib, Hindistanı, Çin və NATO müttəfiqlərini Rusiyadan enerji daşıyıcıları almağa görə tənqid edib, Moskvaya rüsumlarla hədələyib, Avropadakı miqrant probleminin həllini tapmaq və Ukraynadakı münaqişəni nizamlamada irəliləyiş əldə etmək üçün səylərini davam etdirdiyini vurğulayıb.
İbrahim Məmmədli
