Bakının Sabunçu rayonunda yerləşən mağazalardan birində qeyri-adi dələduzluq hadisəsi qeydə alınıb.
Bu barədə Far.Az-in "qaynar xətti"nə məlumat daxil olub.
Hadisə Muxtar Fətəliyev küçəsi 46 ünvanında yerləşən mağazada qeydə alınıb.
Belə ki, naməlum şəxs əvvəlcə satıcıya 100 manat təqdim edir, daha sonra isə həmin pulu geri qaytararaq bunun əvəzinə 50 manat verəcəyini bildirir. Pul dəyişdirilməsi ilə bağlı çaşqınlıq yaratdıqdan sonra həm 4 manatlıq məhsul götürür, həm də 50 manata qalıq pul alır.
Satıcının dediyinə əsasən, bu üsulla bir neçə dəfə mağazaları aldadan şəxsin saxlanılması üçün hüquq-mühafizə orqanlarına müraciət edilib.
