Ermənistan Avropa İttifaqına (Aİ) üzv ola bilməz. Bunu Ermənistanın Baş Naziri Nikol Paşinyan sentyabrın 23-də Ermənistan Demokratiya Forumunda keçirilən panel müzakirəsi zamanı bildirib.
Paşinyan, Ermənistanın Aİ-yə üzv olmasının məqsədəuyğunluğu və ya qeyri-reallığı barədə cəmiyyətdə çox müzakirələr olduğunu vurğulayaraq, "Bizim məqsədimiz Aİ standartlarını təmin etməkdir. Üstəlik, bütün sahələrdə", – əlavə edib.
Baş nazirin sözlərinə görə, hökumət və siyasi çoxluq, ölkənin Aİ-yə üzv olmaq deyil, bütün sahələrdə Aİ standartlarına nail olmağı hədəflədiyini bildirir. Bu yanaşma, Paşinyanın sözlərinə görə, daha mühümdür, çünki bəzi insanlar burada müəyyən geosiyasi məqamları görür.
Paşinyan, Ermənistanın gələcək demokratik islahatlarının növbəti addımının Aİ-nin dəyərlərinə şübhəsiz və sarsılmaz sadiqlik olacağını qeyd edib. Bu, Ermənistanın demokratik sistemini daha da gücləndirmək və Avropa İttifaqının prinsiplərinə uyğunlaşmaq məqsədinə yönəlmiş bir addım olacaq.
Gülnar
