Subianto beynəlxalq konfransda mövqeyini açıqladı...
Poliqon xəbər verir ki, İndoneziya prezidenti Prabovo Subianto ölkəsinin yalnız İsrail Fələstinin müstəqilliyini və dövlətçiliyini tanıdıqdan sonra onu dövlət kimi tanıyacağını bəyan edib. Bu açıqlamanı o, fələstin-İsrail münaqişəsinin həllinə həsr olunmuş beynəlxalq konfransda səsləndirib.
“İndoneziya bildirir ki, İsrail Fələstinin müstəqilliyini və dövlətçiliyini tanıyan kimi, biz də dərhal İsrail dövlətini tanıyacağıq”, — deyə Subianto vurğulayıb.
İndoneziya lideri əlavə edib ki, ölkəsi eyni zamanda İsrailin təhlükəsizliyinə dair bütün təminatları dəstəkləməyə hazırdır. Bu, Cakarta hökumətinin mövqeyində mühüm balansın qorunmasına yönəlmiş addım kimi qiymətləndirilir.
Xatırladaq ki, bu günə qədər Fələstini dünyanın 150-dən çox dövləti, o cümlədən Rusiya rəsmi şəkildə tanıyıb. Ekspertlərə görə, İndoneziyanın bu mövqeyi müsəlman ölkələrinin diplomatik xəttində mühüm nümunə ola bilər və Yaxın Şərqdə sülh prosesinə təsir göstərmək gücünə malikdir.
Poliqon.info
