Qaxda 64 yaşlı kişini avtomobil vuraraq öldürüb...
APA-nın Şimal-qərb bürosunun məlumatına görə, hadisə bu gün axşam saatlarında Qax şəhəri, Heydər Əliyev prospektində baş verib.
Şəhər sakini, 1961-ci il təvəllüdlü Eldar Tağıyev yolu keçmək istəyərkən onu minik avtomobili vurub. Ağır bədən xəsarətləri alan E. Tağıyev Qax Rayon Mərkəzi Xəstəxanasına (RMX) aparılarkən yolda dünyasını dəyişib.
Faktla bağlı Qax Rayon Polis Şöbəsində cinayət işi açılıb, araşdırma aparılır.
Poliqon.info
