Turkstan.az saytından alınan məlumatlara görə, ain.az xəbər verir.
İngiltərənin paytaxtı Londonda Fələstin Dövlətinin səfirliyi rəsmi olaraq fəaliyyətə başlayıb.
Turkustan.az xəbər verir ki, bu hadisə Böyük Britaniyanın Fələstini müstəqil dövlət kimi tanımasından sonra atılmış mühüm diplomatik addım kimi qiymətləndirilir.
Səfirliyin açılışı münasibətilə keçirilən rəsmi mərasimdə Fələstin bayrağı binanın qarşısında ucaldılıb. Mərasimdə diplomatik korpus nümayəndələri, yerli rəsmilər və Fələstin icmasının üzvləri iştirak ediblər.
Tədbirdə çıxış edən rəsmi şəxslər bu addımın Fələstin xalqının beynəlxalq aləmdə legitimliyinin və suveren hüquqlarının tanınması baxımından əhəmiyyətli bir dönüş nöqtəsi olduğunu bildiriblər. Səfirliyin açılması həm də iki ölkə arasında diplomatik münasibətlərin yeni mərhələyə qədəm qoyduğunu göstərir.
Xatırladaq ki, İngiltərə Fələstini dövlət kimi tanıyan Avropa ölkələrinin artmaqda olan siyahısına son zamanlarda qoşulub. Bu tanınma beynəlxalq aləmdə Fələstinin siyasi statusuna dair dəstəyin genişləndiyini göstərir.
Aytən Yaşar/ Turkustan.az
Daha ətraflı məlumat və yeniliklər üçün ain.az saytını izləyin.
