Venesuela prezidenti Nikolas Maduronun YouTube kanalı təxminən 233 min abunəçisi olduğu bir vaxtda platformadan silinib. Nə Venesuela hökuməti, nə də YouTube indiyə qədər bu hadisə ilə bağlı aydın məlumat yayıb.
Maduronun kanalında ən çox diqqət çəkən məzmunlardan biri “Maduro Podcast” proqramı idi. Bu proqramda keçmişdə Podemos partiyasının önəmli siması Juan Carlos Monedero və müxtəlif qonaqlar iştirak etmişdi.
Telesur-un məlumatına görə, kanal heç bir açıqlama edilmədən bağlanıb. Telesur bildirib ki, bu qərar ABŞ ilə Venesuela arasındakı gərginliyin artdığı bir dövrə təsadüf edir və bunun bir növ qarışıq savaş əməliyyatının hissəsi ola biləcəyini iddia edir.
Maduro isə kanalının bağlanmasını rejim dəyişikliyi cəhdi kimi qiymətləndirir.
