“Zəngəzur dəhlizi” ifadəsinin işlədilməsi Ermənistana qarşı ərazi iddiası təşkil etmir.
Publika.az xəbər verir ki, bunu sentyabrın 22-də NATO Parlament Assambleyasının Rouz-Roth seminarında jurnalistlərlə söhbətində Türkiyə nümayəndəsi Fatma Aksal deyib.
O, Azərbaycanın və Türkiyənin “Tramp marşrutu” əvəzinə “Zəngəzur dəhlizi” ifadəsini işlətməsinin Ermənistana qarşı ərazi iddiası təşkil edib-etməməsi ilə bağlı sualı cavablandırıb.
"Xeyr, bu, ərazi iddiası deyil. Deyim ki, sülhdən heç kim uduzmayıb, müharibədən də heç kim qazanmayıb. Hökumətlərimiz arasında əlaqələr, dialoq, nazirliklər arasında münasibətlər çox önəmlidir. Gözləyək, optimist olaq; mən özüm optimistəm. Detallara gəlincə, onlarla tanış olmadığım üçün heç nə açıqlaya bilmərəm", - Fatma Aksel deyib.
