Bu ildən ixracatçılara əlavə dəstək mexanizmləri təqdim olunacaq.
Operativ Media xəbər verir ki, bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Bakıda keçirilən 1-ci Azərbaycan Beynəlxalq İnvestisiya Forumunda çıxışı zamanı deyib.
O bildirib ki, bunlardan biri logistika subsidiyasıdır: “AZPROMO olaraq əsas məqsədimiz investorları cəlb etməkdir. Biz ixracatçıları investorlarla əlaqələndiririk və qeyri-neft-qaz sektoruna xüsusi önəm veririk. Bugünkü forumun əhəmiyyəti isə Azərbaycanın dünya investisiya xəritəsində rolunun artırılmasıdır”.
