ain.az, Lent az portalına istinadən məlumat yayır.
Otel işçisi turistlərə sadə, amma faydalı məsləhətlər verib. Onun sözlərinə görə, otağa daxil olduqdan sonra işığı dərhal yandırmaq olmaz. Bu, bir az məntiqsiz görünə bilər, amma bu vərdiş turistlərə oteldə taxtabiti olub-olmadığını yoxlamağa kömək edir. Bu həşəratları qaranlıqda və ya zəif işıqda görmək daha asandır.
Lent.az xarici mediaya istinadla xəbər verir ki, otağı yoxlamaq üçün əvvəlcə pərdələri bağlayıb işığı söndürmək və telefonun fənərini yandırmaq lazımdır.
Onun sözlərinə görə, bu həşəratlar adətən mebelin künclərində və yataq dəstinin qatlarında olur. Əgər həşərat görməsəniz belə, yataqda ləkələrə diqqət yetirin. Xüsusilə qan ləkələri pis əlamətdir. Bu, otaqda kimsəni dişlədiklərini göstərir.
Turistlər üçün əsas tövsiyələr
Turistlərə məsləhət görülür ki, əşyalarını açmazdan əvvəl otaqda taxtabiti olub-olmadığını yoxlasınlar. Əks halda, onlar baqaja keçə bilər. Bundan başqa, pərdələri və mebel üzlüklərini də yoxlamaq lazımdır.
Əgər taxtabiti və ya onların izlərini aşkar etsəniz, əvvəlcə tapdıqlarınızı foto və video ilə qeydə alın. Hətta otağın nömrəsini də çəkmək məsləhətdir. Adətən otel rəhbərliyi belə hallarda müştəriləri başqa otağa köçürür və bəzən hətta pulunuzu geri qaytarır.
Əgər gec aşkar etsəniz
Əgər taxtabitləri yerləşdikdən sonra görmüsünüzsə və ya sizi dişləyiblərsə, bütün əşyalarınızı paketlərə yığın, möhkəm bağlayın və administratora müraciət edib başqa otağa köçürülməyinizi xahiş edin. Əlavə olaraq, paltarların isti suda yuyulmasını və ya kimyəvi təmizləməyə verilməsini istəmək tövsiyə olunur ki, həşəratlar baqajınıza keçməsin.
Ən son xəbərləri və yenilikləri almaq üçün ain.az saytını izləyin.
