2022–2026-cı illər üçün sosial-iqtisadi inkişaf strategiyasını həyata keçiririk və artıq 2027–2030-cu illəri əhatə edəcək yeni dördillik strategiyanın hazırlanmasına başlamışıq.
“APA-Economics” xəbər verir ki, bunu jurnalistlərə açıqlamasında baş nazirin müavini Samir Şərifov deyib.
O bildirib ki, strategiyanın ən mühüm istiqamətlərindən biri ölkənin davamlı iqtisadi artımını təmin etməkdir:
“Heç bir artım investisiyasız mümkün deyil. İnvestisiyalar dövlət büdcəsindən maliyyələşdirilən dövlət investisiyaları ola bilər, lakin onlar mütləq özəl investisiyalarla da tamamlanmalıdır. Bizim hazırkı məqsədimiz daha çox özəl investisiya cəlb etməkdir.
O qeyd edib ki, məqsəd Azərbaycanın son 30 ildə həyata keçirdiyi dövlət investisiyalarını indi daha çox özəl investisiyalarla tamamlamaqdır.
