1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İlon Mask tərəfindən qurulan "xAI" şirkəti süni intellekt modelinin yeni versiyası olan "Grok 4 Fast"ın buraxıldığını elan edib.
Oxu.Az bu barədə "Engadget" nəşrinə istinadla xəbər verir.
"Grok 4 Fast" 40% daha az hesablama tokeni istifadə edir. Bu, sorğuların yerinə yetirilmə dəyərini orijinal model ilə müqayisədə təxminən 98% azaltmağa imkan verir. "Grok 4 Fast"ın əsasında dərin təhlil və sürətli cavab rejimlərini birləşdirən innovativ arxitektura yatır.
Yeni modelin əsas texniki xüsusiyyətlərindən biri iki milyon token həcmində kontekst pəncərəsinin dəstəklənməsidir, bu da onun böyük informasiya massivlərini emal etmə və təhlil etmə imkanlarını əhəmiyyətli dərəcədə genişləndirir.
"Grok 4 Fast" artıq "OpenRouter" və "Vercel AI Gateway" platformaları, həmçinin veb-tətbiqlər, "iOS" və "Android" üçün "xAI API" vasitəsilə son istifadəçilər üçün əlçatandır.
