Taliban ABŞ prezidenti Donald Trampın hazırda Əfqanıstan rejiminin nəzarətində olan Baqram aviabazasının yenidən Amerika nəzarətinə verilməsi çağırışına kəskin cavab verib.
APA xəbər verir ki, bu barədə Bloomberg yazır.
Silahlı Qüvvələrin Baş Qərargah rəisi Fasihuddin Fitrat bildirib ki, Əfqanıstan tamamilə müstəqildir, onu öz xalqı idarə edir və heç bir xarici dövlətə tabe deyil: “Biz heç kimdən qorxmuruq”.
Qeyd edək ki, ABŞ Prezidenti Donald Tramp “Truth” hesabında yazıb ki, Əgər Əfqanıstan Baqram aviabazasını onu tikənlərə, yəni Amerika Birləşmiş Ştatlarına qaytarmasa, pis şeylər baş verəcək.
