Lent az portalından verilən məlumata görə, ain.az xəbər yayır.
Hindistanda 20 günlük körpə qız diri-diri basdırıldıqdan sonra möcüzə nəticəsində sağ qalıb. O, hazırda reanimasiyadadır, həkimlər onun həyatını xilas etmək üçün mübarizə aparırlar.
Lent.az-ın xarici mətbuata istinadla xəbərinə görə, qızı Hindistanda əhalinin ən sıx məskunlaşdığı ştatının Şahcahanpur rayonunda çoban tapıb. Torpağın altından bir uşağın ağladığını eşidib və oradan çıxan kiçik bir əl görüb. Hadisə yerinə gələn polis tez bir zamanda uşağı qazaraq çıxarıb.
Xəstəxana direktorunun sözlərinə görə, qız gətirilən zaman palçıq içində olub. Torpaq onun ağzına və burnuna daxil olub, hipoksiyaya səbəb olub. O, həmçinin həşərat dişləmələri də keçirib. Həkim vurğulayıb ki, qızın yaraları hələ təzə olduğundan, demək olar ki, "dəfn edildikdən" dərhal sonra tapılıb.
Onun vəziyyəti əvvəlcə yaxşılaşsa da, infeksiya səbəbindən tezliklə pisləşib. Həkimlər proqnozun ağır olduğunu deyirlər. Bununla belə, həkimlər qrupu, o cümlədən plastik cərrah, uşağı xilas etmək üçün əlindən gələni edir.
Polis şübhəliləri axtarır. Hindistanda amansız rituallara və arzuolunmaz qızların öldürülməsinə səbəb olan uzun müddətdir davam edən oğul üstünlüyü ənənəsi səbəbindən belə hallar nadir deyil.
Hadisənin gedişatını izləmək üçün ain.az saytında ən son yeniliklərə baxın.
