Yüngül çəkidə UFC reytinqində səkkizinci yeri tutan polyak Mateuş Qamrot Çarlz Oliveyra ilə döyüşdə azərbaycanlı Rafael Fiziyevi əvəz etməyə hazır olduğunu bildirib.
İdman.biz bildirir ki, Fiziyev-Oliveyra döyüşü oktyabrın 11-də Braziliyanın Rio-de-Janeyro şəhərində keçiriləcək “UFC Fight Night 261”in əsas tədbiri olmalı idi. Lakin Fiziyevin zədə səbəbində həmin döyüşə çıxa bilməyəcəyi barədə məlumatlar yayılıb.
"Mən hazıram və səbrsizliklə ora tullanmağı gözləyirəm! Getdik!", - Qamrot sosial şəbəkədəki səhifəsində yazıb.
Mateuşun son döyüşü “UFC on ESPN 68”də iyunun 1-də baş tutub. Həmin gün Qamrot yekdil qərarla (30-27, 30-27, 30-27) Lüdovit Kleyni məğlub edib.
İdman.biz
