1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Braziliya yığması və "Barselona" komandasının keçmiş ulduz futbolçusu Ronaldinyo Qauço 2025-ci il "Qızıl top" mükafatını mövsümün ən yaxşı oyunçusuna təqdim edəcək.
Oxu.Az bildirir ki, bu barədə COPE-nin jurnalisti Dani Hil "X" sosial şəbəkə hesabında yazıb.
Məlumata görə, Ronaldinyo 2005-ci ildə "Qızıl top"u qazanmasının 20 illiyi münasibətilə bu şərəfə layiq görülüb.
Xatırladaq ki, mükafat tarixdə dördüncü dəfə təqvim ilinin deyil, mövsümün nəticələrinə (2024-cü il avqustun 1-dən 2025-ci il iyulun 13-nə kimi) əsasən təqdim olunacaq.
Qeyd edək ki, "France Football" jurnalının təşkil etdiyi mükafatlandırma mərasimi sentyabrın 22-də Parisdəki "Teatr dü Şatle"də baş tutacaq.
