Ulusal.az Bloomberg – ə istinadən xəbər verir ki, The Economist Group-un (The Economist-in sahibi) təxminən 20 faizinə sahib olan Lynne Forrester de Rothschild öz payını satmağı düşünür. Satış 270 milyon dollardan 545 milyon dollara qədər ola bilər. İş qadını hazırda investisiya portfelini yenidən formalaşdırır.
Sonuncu dəfə The Economist 10 il əvvəl sahibini dəyişib. Xüsusilə, 2015-ci ildə Pearson Plc The Economist-dəki payının böyük hissəsini Exor NV vasitəsilə jurnalın 43,4 faizinə sahib olmaqla jurnalın ən böyük investoru olmuş italyan Agnelli ailəsinə satdı. Jurnalın digər səhmdarları digər varlı ailələrin nümayəndələri, həmçinin keçmiş və indiki işçilərdir.
