ABŞ 2021-ci ildə qoşunlarını çıxardıqdan sonra Əfqanıstanda itirdiyi Baqram hava bazasına nəzarəti geri almalıdır.
Axar.az xəbər verir ki, bunu ABŞ Prezidenti Donald Tramp deyib.
"Yeri gəlmişkən, biz onu geri qaytarmağa çalışırıq. Biz Baqramı Əfqanıstana görə yox, Çinə görə geri almaq istəyirik, çünki baza Çinin nüvə silahlarını hazırladığı yerdən cəmi bir saatlıq uçuş məsafəsindədir", - o bildirib.
Qeyd edək ki, Baqram hərbi hava bazası 11 sentyabr 2001-ci il hücumlarından sonra ABŞ-ın bölgədəki əsas hərbi qalası olub.
