Bizimyol portalından alınan məlumata görə, ain.az xəbər verir.
“Ermənistan” blokunu təmsil edən parlament üzvü Areqnaz Manukyan mandatdan imtina edəcəyini bildirib.
Bizimyol.info xəbər verir ki, o, bu barədə sosial şəbəkədə məlumat verib.
“Bu qərar partiya kimi qeydiyyatdan keçmək üçün ərizə verən Andranik Tevanyanın rəhbərlik etdiyi “Ana Ermənistan”a qoşulmağımla bağlıdır”, - deyə Manukyan yazıb.
O, hərəkatın ideyalarını tam bölüşdüyünü və bu təşkilatda çoxlu dostlarının olduğunu qeyd edib. Deputat belə bir şəraitdə mandatını tərk etməsinin etika və məntiq qaydalarına tam uyğun olduğunu bildirib.
Manukyan Ermənistan blokunun lideri, keçmiş prezident Robert Köçəryana, EXCP üzvlərinə və digər həmkarlarına təşəkkür edib.
Parlamentari ölkədə hakimiyyət dəyişikliyi uğrunda mübarizənin davam edəcəyini, lakin hər bir üzvün öz çərçivəsi və formatı çərçivəsində bunu edəcəyini vurğulayıb. Qeyd edək ki, “Ana Ermənistan” partiyasının təsis qurultayı sentyabrın 21-də baş tutacaq.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
