Çinin “Xiaomi” avtomobil istehsalçısı 116 800 elektrik avtomobilini geri çağıracaq.
Bakıvaxtı.az xəbər verir ki, bu barədə Çinin Bazarın Tənzimlənməsi üzrə Dövlət Administrasiyasının mətbuat xidməti məlumat yayıb.
Məlumata görə, geri çağırılma 6 fevral 2024-cü il və 30 avqust 2025-ci il tarixləri arasında istehsal edilmiş "SU7" elektrik sedanlarına aiddir.
Qeyd olunub ki, bu avtomobillərdə sürücülərə yardım sistemlərində problemlər yaranıb ki, bu da kritik vəziyyətləri adekvat şəkildə aşkarlaya və sürücüləri xəbərdar etməyə bilər. Sürücü avtomobili idarə edə bilmirsə, toqquşma və qəza riski artır.
İstehsalçı avtomobil sahiblərini SMS və mobil proqram vasitəsilə xəbərdar edəcək.
Sürücülər həmçinin "Xiaomi" müştəri dəstəyi qaynar xəttinə zəng edərək avtomobillərinin proqram təminatı üçün uyğun olub-olmadığını öyrənə bilərlər.
Mina Mikayılova
