Ermənistan və Qazaxıstan arasında iqtisadi əməkdaşlıq üzrə Hökumətlərarası Komissiyanın 11-ci iclası keçirilib

Ermənistan Respublikası Baş nazirinin müavini Mher Qriqoryanın və Qazaxıstan Respublikasının Baş nazirinin müavini, Milli İqtisadiyyat naziri Serik Jumanqarinin həmsədrliyi ilə bu gün İqtisadi Əməkdaşlıq üzrə Hökumətlərarası Komissiyanın 11-ci iclası keçirilib.

Operativ Media xəbər verir ki, bu barədə erməni mediası məlumat yayıb.

Tərəflər ikitərəfli münasibətlərin gündəliyində duran məsələləri, o cümlədən ticarət-iqtisadiyyat, yüksək texnologiyalar, nəqliyyat, turizm, səhiyyə və təhsil sahələrində əməkdaşlıq məsələlərini əhatə edən protokol imzalayıblar.