Danimarka nüvə silahlarının yerləşdirilməsi ilə bağlı siyasətinə yenidən baxır.
HİT.az xəbər verir ki, bunu Rusiyanın Kopenhagendəki səfiri Vladimir Barbin deyib.
Səfir bildirib ki, bu bənd bu yay ABŞ ilə müdafiə sazişindən çıxarılıb: "Sülh dövründə Danimarka ərazisində nüvə silahının yerləşdirilməməsi siyasəti təzyiq altındadır və onun fundamental prinsipləri aşınır".
Barbinin sözlərinə görə, bu yay ABŞ ilə müdafiə sazişi ratifikasiya edildikdə, sülh dövründə Danimarka ərazisində nüvə silahının yerləşdirilməsini qadağan edən müddəa müqavilənin ilkin layihəsindən çıxarılıb.
Vladimir Barbin aydınlaşdırıb ki, danimarkalı hərbi ekspertlərin fikrincə, yeni saziş ABŞ-a nüvə silahı yerləşdirmək hüququnu vermir, lakin Kopenhagenə bu məsələ ilə bağlı gələcək siyasət parametrlərini nəzərdən keçirməyə imkan verir.
Səfir qeyd edib ki, Danimarka öz ərazisində Britaniya və ya Fransa nüvə arsenallarının yerləşdirilməsi ilə bağlı ssenariləri müzakirə edir. 2025-ci ilin martında Fransa prezidenti Emmanuel Makron Avropada ABŞ-dan asılı olmayan “nüvə çətiri”nin yaradılmasını müdafiə edib.
Hazırda Polşada Fransanın nüvə silahlarının yerləşdirilməsi məsələsi nəzərdən keçirilir. Bu il ölkələr Nensi müqaviləsini imzalayaraq bu sahədə əməkdaşlığa yol açıblar.
Samir
