Səudiyyə Ərəbistanı və Pakistan arasında strateji qarşılıqlı müdafiə sazişinin imzalanması bu istiqamətdə atılmış əhəmiyyətli addımdır...
Səudiyyə Ərəbistanı artıq ABŞ-yə təhlükəsizlik məsələlərində tam etibar etmir və yeni alyanslar qurmaq imkanlarını araşdırır.
Poliqon xəbər verir ki, bu barədə The Wall Street Journal qəzeti məlumat yayıb. Nəşr qeyd edir ki, Səudiyyə Ərəbistanı və Pakistan arasında strateji qarşılıqlı müdafiə sazişinin imzalanması bu istiqamətdə atılmış əhəmiyyətli addımdır.
Qəzetin məlumatına görə, yeni razılaşma regiondakı güc balansını dəyişə bilər və ABŞ-ın uzunmüddətli tərəfdaşı olan Səudiyyə Ərəbistanının milli təhlükəsizlik sahəsində Vaşinqtona olan asılılığını aradan qaldırmaq istədiyini göstərir. Saziş Ər-Riyad və İslamabad arasında İsrailin Dohada olan HƏMAS rəhbərliyinin üzvlərinə zərbə endirməsindən bir həftə sonra elan olunub. Bu hadisə ABŞ-ın İsraili regionda İrana qarşı nüvəli sanksiya sistemi ilə inteqrasiya etmək planlarını pozub.
Sazişə əsasən, Pakistan və Səudiyyə Ərəbistanı arasında hər hansı birinə qarşı hücum "hər ikisinə qarşı aqressiya" kimi qiymətləndiriləcək və iki ölkə arasında hərbi əməkdaşlığın inkişafına yönələcək. Sənədi Səudiyyə Ərəbistanının taclı şahzadəsi və baş naziri Məhəmməd bin Salman əl-Səud, eləcə də Pakistanın baş naziri Şahbaz Şərif imzalayıb.
Poliqon.info
