BAKI, 19 sentyabr. TELEQRAF
Azərbaycan Premyer Liqasında V tura bu gün iki oyunla start veriləcək.
Teleqraf xəbər verir ki, günün ilk matçında “Karvan-Yevlax” “İmişli”ni qəbul edəcək.
Qarşılaşma saat 16:00-da start götürəcək. Hesabında 4 xal olan Yevlax təmsilçisi turnir cədvəlinin doqquzuncu pilləsində qərarlaşıb. İmişli təmsilçisi isə eyni xalla yeddinci pillədə yer alır.
Günün ikinci matçında "Zirə" "Şamaxı"nı qəbul edəcək. Bu görüş saat 18:30-da başlayacaq. “Qartallar” hazırda 8 xalla turnir cədvəlinin dördüncü, “şirlər” isə 5 xalla beşinci pilləsində qərarlaşıb.
Azərbaycan Premyer Liqası
V tur
19 sentyabr
16:00. "Karvan-Yevlax" – "İmişli"
Hakimlər: Elvin Bayramov, Vüsal Məmmədov, Eyyub İbrahimov, Rəşad Əhmədov
VAR: İnqilab Məmmədov
AVAR: Namiq Hüseynov
Hakim-inspektor: Orxan Məmmədov
AFFA nümayəndəsi: Erkin Hüseynov
Şamaxı şəhər stadionu
18:30. "Zirə" – "Şamaxı"
Hakimlər: Cavid Cəlilov,
Kamran Bayramov, Rahil Ramazanov, Vüqar Həsənli
VAR: Rauf Cabarov
AVAR: Müslüm Əliyev.
Hakim-inspektor: Babək Quliyev
AFFA nümayəndəsi: Zaur Hacı-Məhərrəmov
Zirə Olimpiya İdman Kompleksinin stadionu
Qeyd edək ki, tura sentyabrın 21-də yekun vurulacaq.
