"Mançester Siti"nin hücumçusu Fil Foden Çempionlar Liqasının qrup mərhələsinin ilk turunda "Napoli" üzərində qazanılan 2:0 hesablı qələbəni şərh edib.
Operativ Media xəbər verir ki, bu haqda UEFA-nın rəsmi saytı məlumat paylaşıb.
"Napolinin müdafiəsini yarmaq çətin idi. Düşünürəm ki, biz kifayət qədər ağıllı oynadıq və topa sahib olmaqdan əl çəkmədik. İlk hissə bir qədər gərgin keçdi. Topu xətlər arasında tez-tez ala bilmədim, amma Erlinq Holannın qolunda olduğu kimi, hər zamankı kimi qaçış etdim. Sadəcə, bu əlaqəni qurmalıyıq. O, bütün mümkün rekordları qırır", – deyə o qeyd edib.
Çempionlar Liqasının qrup mərhələsinin ikinci turunda "Mançester Siti" "Monako" ilə, "Napoli" isə "Sportinq"lə qarşılaşacaq.
