Altıqat "Böyük Dəbilqə" çempionu və dünyanın bir nömrəli tennisçisi, ispaniyalı Karlos Alkaras San-Fransisko körfəzindəki (ABŞ) Alkatras adasında olub.
İdman.biz bildirir ki, burada "Qaya" adı ilə də tanınan məşhur "Alkatras" həbsxanası yerləşir.
Alkaras hazırda San-Fransiskodadır və 19-21 sentyabr tarixlərində ABŞ-ın San-Fransisko şəhərində keçiriləcək "Leyver Kuboku 2025"də Avropa yığması üçün mübarizə aparmağa hazırlaşır. Komandanın kapitanı 1983-cü ildə "Rolan Qarros"un qalibi olmuş fransalı Yannik Noadır.
İdman.biz
