Fransada dövlət xərclərinin azaldılması və pensiya islahatlarına etiraz əlaməti olaraq ölkə üzrə genişmiqyaslı nümayişlər davam edir.
Far.Az xəbər verir ki, ölkənin müxtəlif şəhərlərində keçirilən aksiyalarda yüz minlərlə insan iştirak edir və toqquşmalar polis və etirazçılar arasında gərginlik yaradır.
Rəsmi məlumatlara görə, aksiyalar nəticəsində indiyə qədər 180-dən çox etirazçı həbs olunub, onlardan 31-i Parisdədir. Həmçinin, 11 nəfərin yaralandığı bildirilib. Parisdə polis etirazçılara qarşı gözyaşardıcı qaz və rezin dəyənəklərdən istifadə edib. Etirazçılar isə mağaza və bankların şüşələrini sındırmaq, zibil qutularını yandırmaq və polisə butulkalar atmaqla cavab veriblər.
Ils l’ont fait !
— La France insoumise Paris (@LaFIParis) September 18, 2025
Les cheminots occupent Bercy ! #18septembre pic.twitter.com/puvcjbbFaJ
Paytaxtda yüzə yaxın etirazçının İqtisadiyyat və Maliyyə Nazirliyinin binasına daxil olduğu da xəbər verilib. Polis tərəfindən tətbiq edilən tədbirlər etirazçıları geri çəkilməyə məcbur edib.
Ölkə üzrə ümumi iştirakçı sayı 500 mindən çox olaraq qiymətləndirilir. Xüsusilə Parisdə 100 minə qədər insanın aksiyalarda iştirak edəcəyi proqnozlaşdırılır. Həmçinin, müxtəlif şəhərlərdə keçirilən tətillər və etirazlar nəticəsində nəqliyyat sektorunda ciddi fasilələr müşahidə edilir, bəzi məktəblərin fəaliyyəti müvəqqəti dayandırılıb.
Paris, France Protest 🚨
— Mayank (@mayankcdp) September 18, 2025
Over 800,000 People are Protesting in France, Opposing the government's proposed budget cuts.
They are demanding action on wages, pensions, public services, spending, and resisting plans to raise the retirement age#EmmanuelMacron #TradeUnions #Police pic.twitter.com/jUMZIF3Kbl
Etirazlar əsasən dövlət xidmətlərinin maliyyələşdirilməsinin artırılması, varlı vətəndaşlar üçün yüksək vergilərin tətbiqi və geniş ictimai narazılığa səbəb olan pensiya islahatının ləğv olunması tələbləri ətrafında cəmlənib.
Ən gərgin anlar xüsusilə Paris, Tuluz, Brest və Marsel şəhərlərində qeydə alınıb. Polis etirazçılara qarşı güc tətbiq edərək onları geri çəkilməyə məcbur edib, etirazçılar isə tüstü şaşkaları və digər vasitələrlə cavab veriblər.
Qeyd edək ki, aksiyalar bu gün səhər saatlarından başlayaraq bütün Fransanı əhatə edir və təxminən 900 min nəfərin iştirak edəcəyi gözlənilir. Bu, ölkədə son illərin ən böyük ictimai etirazlarından biri hesab olunur.
🔴 ÉNORME MOBILISATION À PARIS!
— L'Union Populaire ! 🇫🇷 (@lunionpopulaire) September 18, 2025
Il est 15h30 et il y a tellement de monde que des milliers de personnes n’ont toujours pas démarré la manifestation.
Des centaines de milliers de manifestants aujourd’hui dans la capitale.#18septembre
pic.twitter.com/TkVozaXraz
