BAKI, 18 sentyabr. TELEQRQAF
ABŞ prezidenti Donald Tramp Azərbaycan-Ermənistan münasibətlərindən danışarkən yenə ikincini Albaniya adlandırıb.
Teleqraf xəbər verir ki, ABŞ lideri Böyük Britaniyanın baş naziri Key Starmerlə keçirdiyi birgə mətbuat konfransında bildirib:
"Biz, məsələn, Azərbaycan və Albaniya arasında nizamlanmanı təmin etdik. Münaqişə uzun illərdir ki, davam edirdi".
ABŞ prezidenti sentyabrın 12-də "Fox News"a müsahibəsində də eyni səhvə yol verib.
Avqustun 8-də Tramp, Azərbaycan prezidenti İlham Əliyev və Ermənistanın baş naziri Nikol Paşinyan Vaşinqtonda üçtərəfli görüş keçiriblər. Görüşdə Azərbaycan və Ermənistan arasında sülh yolu ilə nizamlanma haqqında bəyannamənin qəbul edildiyi açıqlanıb.
