Qaynarinfo portalından əldə olunan məlumata əsasən, ain.az xəbər verir.
"Lockheed Martin" şirkətinin istehsalı olan "F-16 Fighting Falcon" qırıcı təyyarəsi ilk döyüş uçuşunu 1979-cu ildə həyata keçirib və bu günədək dünyada ən çox istifadə edilən hərbi təyyarələrdən biri olaraq qalır.
Qaynarinfo "SlashGear"ə istinadən xəbər verir ki, mütəmadi modernləşdirmələr sayəsində F-16 hələ də yüksək döyüş qabiliyyətinə malikdir.
Başlanğıcda təyyarə "General Dynamics" tərəfindən istehsal edilib. 1993-cü ildə bu şirkəti "Lockheed" alıb, 1995-ci ildə isə "Martin Marietta" ilə birləşdirilərək "Lockheed Martin" korporasiyası yaradılıb. Hazırda da F-16 istehsalı davam edir və ona tələbat böyükdür.
2025-ci ilə olan məlumata görə, dünyada 29 ölkənin silahlı qüvvələrinin arsenalında 3100-dən çox F-16 mövcuddur. ABŞ hərbi hava qüvvələri təxminən 950 aktiv təyyarə ilə ən iri operator olaraq qalır. ABŞ-dan sonra ən çox F-16 istifadə edən ölkələr bunlardır:
* Türkiyə - təxminən 230 təyyarə
* Misir - 218 təyyarə
* İsrail - 174 təyyarə
* Cənubi Koreya - 167 təyyarə
Bundan başqa, Danimarka və Niderland da daxil olmaqla bir sıra Avropa ölkələrinin ordularında F-16 təyyarələri xidmət göstərir.
Mütəxəssislərin sözlərinə görə, F-16 parkının dəqiq sayını müəyyənləşdirmək çətindir, çünki bəzi təyyarələr istismardan çıxarılır, bəziləri isə modernləşdirilərək yenidən istifadəyə verilir. Buna baxmayaraq, F-16 hazırda dünyanın ən geniş yayılmış döyüş təyyarəsi olaraq qalır.
Aydın
Sonrakı hadisələr barədə daha çox məlumat almaq üçün ain.az saytını izləyin.
