"Milan", "Real" və Braziliya millisinin əfsanəvi sabiq futbolçusu Kaka məşqçilik karyerasına başlamaq istədiyini bildirib.
Publika.az xəbər verir ki, o, karyerasını başa vurduqdan sonra da futbola sevgisinin qaldığını etiraf edib:
"Futbolu sevirəm, bir gün məşqçi olmaq istəyirəm. Bu, mənim üçün inanılmaz bir çağırış olacaq!"
İddia edilirdi ki, Karlo Ançelotti onu Braziliya millisindəki məşqçi heyətinə dəvət etmək istəyib. Kaka bu təklifi nəzərdən keçirməyə və Ançelottinin komandasına qoşulmağa hazır olduğunu bildirib.
