"Northrop Grumman" şirkətinin "Cygnus XL" yük gəmisi Beynəlxalq Kosmik Stansiyaya (BKS) uğurla qoşulub.
AFN.az xarici mediaya istinadən xəbər verir ki, tədbir NASA-nın rəsmi saytında canlı yayımlanıb.
Qoşulma ABŞ-ın şərq sahili vaxtı ilə saat 07:24-də (Bakı - 15:24) baş tutub. Amerikalı astronavtlar Zina Kardman və Conni Kim "Canadarm2" manipulyatoru vasitəsilə gəmiyə bağlanıb və onu stansiyanın şlüz qapısına gətiriblər.
"Cygnus XL" planlaşdırılandan bir gün gec gəlib; ilkin qoşulma 17 sentyabra nəzərdə tutulsa da, gəminin əsas mühərrikində problem yarandığı üçün təxirə salınıb.
"Falcon 9" raketi ilə SpaceX şirkəti 14 sentyabr axşamı "Cygnus XL"-i Kanaveral burnundan start etdirib. Yeni "Cygnus XL" təxminən 5 ton yük daşıya bilir, adi "Cygnus" isə 3,8 ton yük qabiliyyətinə malik idi. Gəmidə yarımkeçirici kristalların hazırlanması üçün materiallar, kriogen yanacaq tanklarının modifikasiyası üçün avadanlıq və ultrabənövşəyi işıqla bakteriyaların suyun içində çoxalmasının qarşısını alan sistem yerləşir.
