1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ Dövlət Departamenti SEPAH (İslam İnqilabı Keşikçiləri Korpusu) ilə əlaqəli üç kiberoperatora - Əli Ağami, Yaser Belaqi və Məsud Cəlili haqqında məlumat verən şəxslərə 10 milyon dollar mükafat elan edib.
Bu barədə "Azad İran" "Telegram" kanalı xəbər verir.
ABŞ Federal Təhqiqatlar Bürosunun bildirdiyinə görə, bu şəxslər SEPAH ilə əlaqəli zərərli kiberfəaliyyətlərdə iştirak ediblər ki, bu fəaliyyətlərə qorunan kompüter sistemlərinə müdaxilə, şəxsi məlumatların oğurluğu, saxta şəxsiyyət ilə saxtakarlıq və xarici terror təşkilatlarına maddi dəstək kimi hərəkətlər daxildir.
Qeyd edilir ki, ötən ilin sentyabrında Vaşinqton məhkəməsi bu şəxslərə qarşı bir sıra kibercinayətlərlə bağlı ittiham irəli sürüb və onların həbsinə order verib.
