Ali Məhkəmədə quldurluq, xuliqanlıq və qəsdən sağlamlığa az ağır zərər vurmada təqsirləndirilən Hüseynəli Abdullayev və Valeh Mürşüdovun barəsindəki qərardan verilən kassasiya şikayəti üzrə məhkəmə iclası başa çatıb.
KONKRET.az pravdaaz-a istinadən xəbər verir ki, hakim Ələsgər Novruzovun sədrliyi ilə keçirilən prosesdə qərar elan olunub.
Qərara əsasən, kassasiya şikayəti təmin edilməyib.
Qeyd: Nəsimi Rayon Polis İdarəsinin 20-ci polis bölməsinə sentyabrın 23-də gecə saatlarında 2 nəfərin Şamaxı rayon sakini M.İsgəndərovun başına xəsarət yetirərək soyğunçuluq yolu ilə cibindən 200 manatını talamaları barədə müraciət daxil olub. Polis əməkdaşlarının keçirdikləri əməliyyat tədbirləri nəticəsində soyğunçuluğu törətməkd şübhəli bilinən Ağstafa rayon sakini Hüseynəli Abdullayev və Saatlı rayon sakini Valeh Mürşüdov müəyyən olunaraq saxlanılıblar. Aparılan araşdırmalar nəticəsində onların analoji əməlləri digər şəxslərə qarşı da töprətdiyi məlum olub.
Bakı Ağır Cinayətlər Məhkəməsinin hökmü ilə onlar 9 il müddətinə azadlıqdan məhrum edilib.
