1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiyanın Çukotka bölgəsində üç qonur ayı şəhər qəbiristanlığına yaxınlaşaraq qəbirləri qazmağa çalışıb və güllələnib.
Oxu.Az bildirir ki, bu barədə MK.ru nəşri yazıb.
Məlumata görə, heyvanlar Bilibino şəhərində qəbiristanlığı dağıdıblar. Yırtıcılar insanlar üçün təhlükə yaratdığından rayon Təbii Sərvətlər və Ekologiya İdarəsi onların məhv edilməsi barədə qərar qəbul edib.
Ovçular qəbiristanlığın yaxınlığında növbətçi olublar və ayılar yenidən qəbirləri qazıb içinə girməyə cəhd edərkən heyvanları güllələyiblər.
Mütəxəssislərin sözlərinə görə, ayıların şəhər kənarına çıxmalarına balıq və digər qidaların çatışmazlığı səbəb olub. Oxşar hadisələr rayonda əvvəllər də qeydə alınıb.
Səlahiyyətlilər qəbiristanlıqları və zibillikləri qaydasında saxlamağı, həmçinin vəhşi heyvanları qorxutmağa kömək edəcək elektrik çəpərləri quraşdırmağı məsləhət görürlər.
Qeyd edək ki, Çukotka Muxtar Dairəsində qonur ayı ovu rəsmi olaraq avqustun 1-də açılıb və ilin sonuna kimi davam edəcək.
