ABŞ-da tələbələr yataqxanada ayının dərisini soyublar
Ajans.az NBC News-a istiandən xəbər verir ki, tələbələr Nyu-York ştatının Tompkins dairəsindən kənarda ova çıxaraq 54 kiloqram çəkisi olan qara ayını tutublar. Onlar ovdan sonra ayını yataqxanaya gətirərək, orada — mətbəxdə — dərisini soyub və hissələrə ayırıblar. Bu hadisə yataqxanadakı digər tələbələrin narazılığına səbəb olub və məsələ universitet rəhbərliyinə və hüquq-mühafizə orqanlarına çatdırılıb. Hadisə ilə bağlı Ətraf Mühitin Mühafizəsi Departamentinin (DEC) müstəntiqləri araşdırma aparıb. Onların rəyinə görə, tələbələrin ayını ovlaması və sonrakı hərəkətləri qanun çərçivəsində olub. Tələbələrin rəsmi ovçuluq vəsiqəsi mövcud idi və onlar bütün müvafiq qaydalara əməl ediblər. Buna baxmayaraq, hadisənin universitet yataqxanasında baş verməsi, xüsusilə meyitin parçalanmasının ictimai yerdə həyata keçirilməsi, tələbə cəmiyyətində narahatlıq yaradıb. Xatırladaq ki, daha əvvəl Litva Ovçular və Balıqçılar Assosiasiyası Vilnüs yaxınlığında hərəkətdə olan dişi ayını ovlamaqdan imtina etmişdi. Assosiasiya bu qərarını heyvanın gənc və sağlam olması, eləcə də Litvada ayıların populyasiyasının son dərəcə azlığı ilə əsaslandırmışdı. Конец формы
