1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Gürcüstan 7 ölkəyə, o cümlədən Azərbaycana olan borcunu ödəməyi başa çatdırıb.
Oxu.Az-ın xəbərinə görə, bu barədə Gürcüstan Maliyyə Nazirliyindən məlumat verilib.
Nazirliyin məlumatına görə, 2025-ci ilin sentyabrında Gürcüstan Paris Klubunun kreditorları ilə razılaşma çərçivəsində 2004-cü ilin iyulunda restrukturizasiya edilmiş xarici borcun qalan hissəsini tam ödəyib.
Azərbaycanla yanaşı, Rusiya, Türkiyə, Qazaxıstan, Ermənistan, İran və Niderlanda da borclar ödənilib.
Avqustun 1-nə bu ölkələr qarşısında qalan ümumi ödənilməmiş borc 7.32 milyon dollar təşkil edib.
Bütün borclar Gürcüstan müstəqillik əldə etdikdən sonra ilk illərdə yaranmış xarici öhdəliklərə aiddir.
Ödənişlər 1999-cu ilə qədər götürülmüş 160 milyon ABŞ dolları borcunu, 1999-cu ildən 2004-cü ilin may ayına qədər yığılmış öhdəliklər üzrə faizləri, eləcə də daha əvvəl təsdiq edilmiş qrafikə uyğun olaraq 2004-2006-cı illərdə ödənilməli olan borcları əhatə edib. Ödənişlərin ümumi məbləği 225 milyon dolları ötüb.
31 avqust 2025-ci il tarixinə Gürcüstanın ümumi xarici dövlət borcu 9.1 milyard dollar təşkil edib.
