Rusiyada 24 saat havada qalmaq gücü olan “Zefir-M” dron-təkrarlayıcı qurğu yaradılıb.
Herbiand.az bildirir ki, bu barədə Xalq cəbhəsinin mətbuat xidmətindən məlumat verilib.
Qeyd edilib ki, Rusiya tərtibatçıları Xalq cəbhəsinin “Kulibin” klubunun dəstəyi ilə 24 saat havada qala bilən, insan və texnikanı düşmən pilotsuz təyyarələrindən qorumaq üçün hücum dronlarının və ya elektron müharibə sistemlərinin diapazonunu artırmaq üçün rabitə təkrarlayıcı funksiyasını yerinə yetirən “Zefir-M” pilotsuz uçuş aparatını təqdim ediblər.
Hazırlıqda yeni dronun kifayət qədər çətin şəraitdə istifadə edilməsinə imkan verən intellektual idarəetmə sistemindən istifadə edilir. Dron 4 kiloqramdan 10 kiloqrama qədər faydalı yük daşımağa qadirdir, lakin gələcəkdə dizaynerlər onu 30 kiloqrama çatdırmağa hazırdırlar.
Dron siqnalları təkrar ötürməklə bir günə qədər fasiləsiz olaraq havada asılı ola bilər. Lakin bundan sonra texniki fasilə lazımdır.
Bəxtiyar CƏFƏRLİ
