ABŞ Prezidenti Donald Tramp bildirib ki, New York Times qəzetinə 15 milyard dollarlıq təzminat iddiası qaldıracaq. Tramp davanın səbəbini “iftira və qaralama” olaraq göstərib.
Tramp sosial media platforması Truth Social üzərindən açıqlamasında “New York Times-ın məni yalanlar, iftiralar və qaralamalarla hədəf almasına çox uzun müddət icazə verilib. Bu, artıq sona çatır” deyib.
Prezident qəzetin 2024-cü il seçkilərində rəqibi Kamala Harrisi dəstəkləməsini tənqid edərək, New York Times-ın radikal sol Demokrat partiyasının sözçüsünə çevrildiyini iddia edib. Tramp iddianın Florida ştatında verildiyini bildirib.
BBC qəzetin mövqeyini öyrənmək üçün əlaqə saxlayıb.
Tramp həmçinin bildirib ki, Harrisin dəstəklənməsi qəzetin birinci səhifəsinin tam ortasında yayımlanıb və bu, əvvəllər görülməmiş bir haldır.
O, bəzi media qurumlarını və televiziya proqramlarını da sənədlərin və görüntülərin inkişaf etmiş sistemlərlə dəyişdirilməsi yolu ilə onu qaralamaqda ittiham edib.
Tramp daha əvvəl də New York Times-a qarşı iddia qaldırmağa çalışmışdı. 2021-ci ildə vergi qeydlərinin yayımlanması ilə bağlı Pulitzer mükafatlı xəbərlərə görə qaldırdığı 100 milyon dollarlıq iddia 2023-cü ildə rədd edilmişdi.
Eyni ildə CNN-ə qarşı açdığı 475 milyon dollarlıq iddia da nəticəsiz qalmış, Trampın “Hitler bənzətməsi” iddiası məhkəmə tərəfindən etibarsız sayılmışdı.
