ain.az, Redaktor.az portalına istinadən məlumatı açıqlayır.
Yeni beynəlxalq araşdırmaya görə, gündəlik istifadə etdiyimiz qida qablaşdırmaları və mətbəx alətləri vasitəsilə bədənimizə 3,600-dən çox kimyəvi maddə daxil olur.
Redaktor.az xəbər verir ki, “Journal of Exposure Science and Environmental Epidemiology” jurnalında dərc olunan tədqiqat göstərir ki, alimlər ümumilikdə 14,000-dən artıq qida ilə təmasda olan kimyəvi maddəni (FCCs) müəyyən edib və bunların 3,601-i insan bədənində – qan, sidik və toxumalarda aşkarlanıb.
Bu maddələr arasında hormon sisteminə təsir edən və kanserogen təsiri ola biləcək kimyəvilər də var.
Araşdırma bildirir ki, bu maddələr əsasən plastik qablaşdırmalar, qoruyucu qatqılar, sintetik rəngləndiricilər və mətbəx ləvazimatlarından yeməklərə keçir. Yüksək temperaturda və yağlı mühitdə bu keçiş daha da sürətlənir. Alimlər xəbərdarlıq edir ki, bu kimyəvi maddələrin uzunmüddətli yığılması sağlamlıq üçün risk yarada bilər, lakin hələlik bir çox maddənin təhlükə səviyyəsi və xəstəliklə əlaqəsi tam öyrənilməyib.
Mütəxəssislər qablaşdırma materiallarının tərkibinin daha ciddi şəkildə tənzimlənməsini, təhlükəli maddələrin istifadəsinə qadağalar qoyulmasını və ictimaiyyətin bu mövzuda məlumatlandırılmasını tövsiyə edir.
Nuriyyə NATİQQIZI
Sonrakı hadisələr barədə daha çox məlumat almaq üçün ain.az saytını izləyin.
