Naxçıvanda yerli sahibkarların iştirakı ilə müşavirə keçirilib

Sentyabrın 15-də keçirilən müşavirədə çıxış edən rəsmi şəxslər gömrük və ticarət sahəsində nəzərdə tutulan güzəştlərin Naxçıvanda sahibkarlığın inkişafına mühüm töhfə verəcəyini vurğulayıblar.

Qeyd olunub ki, muxtar respublikada azad və şəffaf sahibkarlıq mühitinin formalaşması yerli iş adamları tərəfindən yüksək qiymətləndirilir.

Sahibkarlar onlara göstərilən dəstəyə görə minnətdarlıqlarını bildirərək irəli sürülən təşəbbüsləri müsbət qarşıladıqlarını ifadə ediblər.

Müşavirədə logistikanın subsidiyalaşdırılması, dövriyyə vəsaitlərinin maliyyələşdirilməsi və maliyyə institutlarının bu sahəyə cəlb edilməsi ilə bağlı məsələlər ətraflı müzakirə olunub.