BAKI, 15 sentyabr. TELEQRAF
Aşqabadda Türkmənistan Telekommunikasiya və İnformatika İnstitutunda Mərkəzi Asiya ölkələrindən olan gənclərin iki günlük regional forumu keçirilib.
Teleqraf xəbər verir ki, tədbir Türkmənistan Təhsil Nazirliyinin dəstəyi və Avropa İttifaqının Mərkəzi Asiyada Narkotiklərlə Mübarizə Proqramının (CADAP 7) yeddinci mərhələsi çərçivəsində keçirilib.
Forum Türkmənistanın daimi bitərəfliyinin 30 illiyinə və ölkənin BMT-də təşəbbüsü ilə elan edilmiş Beynəlxalq Sülh və Etimad İlinə həsr olunub.
“Sağlamlıq və davamlı inkişaf sülhə aparan yol kimi” adlı forum Mərkəzi Asiya və Avropa İttifaqına üzv dövlətlərdən gənc liderləri, mütəxəssisləri və ekspertləri bir araya toplayıb.
