ain.az, Oxu.az portalına istinadən məlumat yayır.
Portuqaliyalı hücumçu Kriştianu Ronaldu Səudiyyə Ərəbistanı çempionatının ötən mövsümündə ən yaxşı bombardir adını qazanaraq "Qızıl Buts"un sahibi olub.
Oxu.Az xəbər verir ki, bu barədə "Ən-Nəsr" klubunun Mətbuat Xidməti məlumat yayıb.
Bildirilib ki, 2024/25 mövsümünün "Qızıl Buts" mükafatını komandanın kapitanı ardıcıl ikinci dəfə əldə edib.
"Mükafatı ona klubun sabiq kapitanı və tarixinin ən yaxşı bombardiri Məcid Abdullah təqdim edib", - deyə açıqlamada bildirilib.
Qeyd edək ki, Ronaldu ötən mövsüm Səudiyyə Ərəbistanı çempionatında 30 oyunda iştirak edərək 25 qol vurub və 3 məhsuldar ötürmə ilə yadda qalıb. O, 2023-cü ildən "Ən-Nəsr"də çıxış edir. Onun klubla müqaviləsi 2027-ci ilə qədər qüvvədədir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
