Yer tac dəliyinin yaratdığı günəş küləyindən təsirlənməyə başlayıb. SİA xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyası məlumat yayıb. Məlumata görə, bu proses gözləniləndən təxminən bir gün gec baş verib. Yer ayın 14-də Bakı vaxtı ilə saat 18:00-da tac dəliyinin sərhədini keçməyə başlayıb. Alimlər bildirirlər ki, günəş küləyinin sürəti artmaqdadır və Yer planeti ən azı 4-5 gün ərzində bu axının təsiri altında qalacaq.
